Усе рэпрэсаваныя

Руслан — бізнесмен, заснавальнік і былы дырэктар візавага цэнтра Іспаніі ў Мінску — быў затрыманы супрацоўнікамі КДБ у кастрычніку 2021 года ў аэрапорце, калі збіраўся пакінуць Беларусь. Затрыманне адбылося ў рамках крымінальнай справы, узбуджанай па палітычных матывах.

У сакавіку 2023 года Руслан быў асуджаны па артыкулах "дача хабару" і "здрада дзяржаве". Суд прыгаварыў яго да працяглага тэрміну пазбаўлення волі і буйнога штрафу.

У жніўні 2024 года ўмовы яго ўтрымання былі больш жорсткімі — Руслана перавялі на турэмны рэжым. З таго моманту яму забаронены перадачы, спатканні і іншыя формы падтрымкі. На асабістыя патрэбы яму дазволена выкарыстоўваць не больш за адну базавую велічыню ў месяц.

Зміцер, дырэктар кампаніі «Europcar», партнёра «Uber» у Менску, упершыню быў затрыманы ў лістападзе 2020 года па адміністрацыйным артыкуле за ўдзел у пратэстных акцыях, якія праходзілі супраць вынікаў прэзідэнцкіх выбараў. У другі раз ён быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму».

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групу ўваходзілі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых структур, спартоўцы і бізнэсмэны, якія імкнуліся захапіць уладу незаконным шляхам».

Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Змітра асудзілі па некалькіх крымінальных артыкулах, яму быў прызначаны вялікі тэрмін пазбаўлення волі і штраф, а таксама ён быў пазбаўлены права займаць пасады, звязаныя з арганізацыйна-распарадчымі і адміністрацыйна-гаспадарчымі абавязкамі, на пяць гадоў.

Меркавана затрыманы за ўдзел у акцыях пратэсту ў 2020 годзе.

14.03.2023 года адбыўся разгляд апеляцыйнай скаргі, прысуд уступіў у сілу.

Затрыманы за ўдзел у акцыях пратэсту ў 2020 годзе.

13 жніўня 2024 года ў судзе Кастрычніцкага раёна г. Мінска суддзя Лаўрыновіч Вольга будзе прымаць рашэнне "Аб замене абмежавання волі без накіравання ў папраўчую ўстанову адкрытага тыпу".

Па стане на кастрычнік 2025 г. стала вядома, што Віктар зноў затрыманы і ўтрымліваецца ў СІЗА №1.

Затрыманы за ўдзел у акцыях пратэсту ў 2020 годзе.

20.10.2023 адбыўся разгляд апеляцыйнай скаргі, прысуд уступіў у сілу.

Аглядальнік, рэжысёр, арганізатар мядовых кірмашоў і дырэктар кампаніі "Цар-мёд".

Асуджаны за ўдзел у акцыях пратэсту 23.08.2020 года ў якасці аглядальніка

Увосень 2024 года Юрыю замянілі рэжым і адправілі здабываць тэрмін у калонію.

Увосень 2025 года стала вядома, што Юрыя асудзілі яшчэ па адной крымінальнай справе і прысудзілі пазбаўленне волі. Падрабязнасці справы невядомыя.

Агент па нерухомасці, блогер, аўтар блога "Беларусь у акне". На ягоны TikTok-акаўнт быў падпісаны 431 чалавек. У роліках ён гумарыстычна камэнтуе беларускія навіны.

Пры затрыманні быў збіты. Аляксандра ўжо збівалі да гэтага - ён трапіў пад хвалю катаванняў на Акрэсціна падчас жнівеньскіх пратэстаў. Паводле апублікаванага на яго старонцы медыцынскага зняволення, яго жорстка збілі падчас затрымання на выхадзе з дому 12 жніўня і на Акрэсціна, на яго целе было 47 гематам.

Мужына падаў заяву ў СК з патрабаваннем правесці праверку па факце яго збіцця. Ва ўзбуджэнні крымінальнай справы, вядома, адмовілі. Падчас разгляду крымінальнай справы ўстаноўлена , што Аляксандр са жніўня па кастрычнік 2020 года неаднаразова браў удзел у блакаванні руху транспартных сродкаў у Мінску, размяшчаў у сацыяльных сетках відэа з абразамі Лукашэнкі.

Затрыманы за ўдзел у акцыях пратэсту.

17.10.2022 адбылося апеляцыйнае паседжанне суда. Прысуд уступіў у сілу.

Арсеній скончыў каледж бізнесу і правы па спецыяльнасці «правазнаўства». Да затрымання працаваў кур'ерам па дастаўцы піцы. Хворы на лейкаму і мае патрэбу ў рэгулярным медыцынскім назіранні і штогадовым праходжанні МРТ. Арсенію супрацьпаказаныя многія фізічныя нагрузкі.

Быў затрыманы ў лістападзе 2021 года ў рамках крымінальнай справы, узбуджанай па артыкуле «акт тэрарызму» — па версіі следства, за прывядзенне ў непрыдатнасць чыгуначных шляхоў. Пазней яму канчаткова прад'явілі абвінавачанні па двух артыкулах Крымінальнага кодэкса: «удзел у дзеяннях, якія груба парушаюць грамадскі парадак» і «падрыхтоўка да ўдзелу ў масавых беспарадках».

У ліпені 2022 года Арсенія прызналі вінаватым у закліках да актыўнага ўдзелу, а таксама ва ўдзеле ў паслявыбарчых акцыях пратэсту, якія прайшлі ў 2020 годзе ў Мінску, у тым ліку эпізоды «перакрыцця дарог». Следства таксама сцвярджала, што ён атрымліваў ад адміністратараў Telegram-чата «АГСБ» тэлескапічныя дубінкі, электрашокеры, а таксама інструкцыі па здзяйсненні дыверсій на чыгунцы.

Арцём захапляецца музыкай і рыбалкай, адрозніваецца дапытлівасцю і дасведчанасцю ў многіх сферах. Вывучае англійскую і нямецкую мовы. Заўсёды ведаў, што будзе жыць у Германіі, любіць гурт Rammstein, слухае яго з дзяцінства і ведае на памяць многія песні.

Ён быў затрыманы 12 студзеня 2022 года ў межах крымінальнай справы аб «групавых дзеяннях, якія груба парушаюць грамадскі парадак», «незаконным зборы і распаўсюджванні персанальных дадзеных», «закліках да дзеянняў, накіраваных на прычыненне шкоды нацыянальнай бяспецы» і «дапаможніцтве ў распальванні варожасці».

У верасні 2022 года яго прызналі вінаватым ва ўдзеле ў дзвюх паслявыбарчых акцыях пратэсту, якія прайшлі ў 2020 годзе ў Мінску, а таксама ў распрацоўцы праграмы для сканіравання штрых-кодаў з мэтай байкоту кампаній, якія падтрымлівалі рэжым.

Стваральнік магазіна Symbal.by, культурны менеджэр.

Быў затрыманы 15 лістапада 2021 года пасля выкліку ў міліцыю. Пасля гэтага Паўла тройчы асудзілі па адміністрацыйных справах (на 15, 13 і 7 сутак), а пасля ўжо па крымінальнай справе перавялі ў СІЗА.

Адбываў тэрмін у ВК №17.

У лютым 2026 г. Паўла перавялі ў СТ № 4 , без рэчаў і без біркі. Па словах былых палітвязняў , ёсць верагоднасць , што на яго завялі новую справу

Станіслаў, бізнэсмэн, быў затрыманы ў снежні 2021 года ў рамках крымінальнай справы, узбуджанай па шасці крымінальных артыкулах, уключаючы такія артыкулы, як «заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь» і «стварэнне арганізацыі для ажыццяўлення тэрарыстычнай дзейнасці або ўдзел у ёй». Першапачаткова ён утрымліваўся ў СІЗА КДБ, а праз некаторы час быў пераведзены ў СІЗА-1 да суда.

Судовы працэс доўжыўся каля паўтара месяца, і ў лістападзе 2022 года Станіслава прызналі вінаватым у адміністраванні больш за 30 Telegram-чатаў, у тым ліку чатаў «97», якія, па версіі следства, выкарыстоўваліся для распаўсюджвання экстрэмісцкіх матэрыялаў і каардынацыі пратэстнай актыўнасці. Таксама яму ставілася ў віну фарміраванне і каардынацыя ўдзельнікаў супольнасцяў, размеркаванне роляў і арганізацыя іх удзелу ў акцыях пратэсту, а таксама дзеянні па пашырэнні колькасці ўдзельнікаў і падтрыманні дзейнасці супольнасцяў.

Аляксандр быў затрыманы 22 жніўня 2021 года каля дачы старшыні Вярхоўнага суда РБ Сукала У.А. за спробу падпалу. Магчыма, быў справакаваны супрацоўнікам КДБ.

У сакавіку 2022 года Аляксандра асудзілі па крымінальным артыкуле "акт тэрарызму" і прыгаварылі да пазбаўлення волі з адбываннем пакарання ў калоніі ўзмоцненага рэжыму.

Віталь быў затрыманы ў лістападзе 2021 года па крымінальнай справе, узбуджанай па артыкуле "удзел у масавых беспарадках", і узяты пад варту ў СІЗА.

У сакавіку 2022 года яго прызналі вінаватым ва ўдзеле ў паслявыбарчай акцыі пратэсту, якая праходзіла ў жніўні 2020 года ў раёне ГЦ "Рыга" ў Мінску. Па версіі МУС, ён нібыта "разам з іншымі агрэсіўна настроенымі ўдзельнікамі ўчыняў пагромы і знішчэнне маёмасці: драбніў тратуарную плітку, узводзіў барыкады, перакрываў рух транспарту".

Мікіта быў затрыманы ў лістападзе 2021 года ў рамках крымінальнай справы, узбуджанай па артыкуле "акт тэрарызму" — па версіі следства, за прывядзенне ў непрыдатнасць чыгуначных шляхоў. Пазней яму канчаткова прад'явілі абвінавачанні па двух артыкулах Крымінальнага кодэкса: "удзел у дзеяннях, якія груба парушаюць грамадскі парадак" і "падрыхтоўка да ўдзелу ў масавых беспарадках".

У ліпені 2022 года Мікіту прызналі вінаватым у закліках да актыўнага ўдзелу, а таксама ва ўдзеле ў паслявыбарных акцыях пратэсту, якія прайшлі ў 2020 годзе ў Мінску, у тым ліку эпізоды "перакрыцця дарог". Следства таксама сцвярджала, што ён атрымліваў ад адміністратараў Telegram-чата "АГСБ" тэлескапічныя дубінкі і электрашокеры, а таксама інструкцыі для дыверсіі на чыгунцы.