Пётр, актывіст Беларускай сацыял-дэмакратычнай партыі, быў затрыманы ў чэрвені 2021 года і асуджаны за ўдзел у акцыі пратэсту, якая прайшла 9 жніўня 2020 года ў Жлобіне, накіраванай супраць фальсіфікацыі вынікаў прэзідэнцкіх выбараў.
Вызвалены ў сакавіку 2023 года, цалкам адбыўшы прызначаны судом тэрмін пакарання.
Данііл быў асуджаны за ўдзел у акцыі пратэсту супраць фальсіфікацыі прэзідэнцкіх выбараў — у ноч з 9 на 10 жніўня 2020 года ён разам з бацькам стаяў у счэпцы ў першым радзе ў цэнтры горада.
Вызвалены ў ліпені 2022 года, цалкам адбыўшы тэрмін пакарання, прызначаны судом.
Мікалай — філолаг, выкладчык беларускай і рускай моў і літаратуры, у апошнія гады займаўся прадпрымальніцкай дзейнасцю. Быў затрыманы ў чэрвені 2021 года і асуджаны за ўдзел у акцыі пратэсту, якая прайшла 9 жніўня 2020 года ў Жлобіне супраць фальсіфікацыі вынікаў прэзідэнцкіх выбараў.
Раней, 10 жніўня 2020 года, яго ўжо затрымлівалі — пры гэтым затрыманні Мікалая жорстка збілі. Ён апынуўся ў бальніцы з чэрапна-мазгавой траўмай і правёў там два тыдні. Пазней яго двойчы выклікалі на допыты ў межах крымінальных справаў — па абвінавачваннях у абразе дзяржаўнага сцяга і ўдзеле ў масавых беспарадках.
Вызвалены ў верасні 2022 года, цалкам адбыўшы прызначаны судом тэрмін пакарання.
Віталь быў затрыманы і двойчы асуджаны за ўдзел у акцыі пратэсту супраць фальсіфікацыі прэзідэнцкіх выбараў - у ноч з 9 на 10 жніўня 2020 года ён разам з сынам стаяў у счэпцы ў першым радзе ў цэнтры горада.
Вызвалены ў чэрвені 2023 года, цалкам адбыўшы тэрмін пакарання, прызначаны судом.
Аляксандр быў затрыманы і асуджаны за ўдзел у акцыі пратэсту, якая прайшла 9 жніўня 2020 года ў Жлобіне, накіраванай супраць вынікаў прэзідэнцкіх выбараў.
Вызвалены ў траўні 2023 года, поўнасцю адбыўшы тэрмін пакарання, прызначаны судом.
Яўген быў затрыманы і асуджаны за ўдзел у акцыі пратэсту, якая прайшла 9 жніўня 2020 года ў Жлобіне, накіраванай супраць вынікаў прэзідэнцкіх выбараў.
У чэрвені 2022 года яму ўзмацнілі жорсткасць пакарання і перавялі на турэмны рэжым.
У ліпені 2023 года Яўгена паўторна асудзілі за «злоснае непадпарадкаванне патрабаванням адміністрацыі папраўчай установы» — артыкул, па якім судзяць зняволеных за адмову ад супрацоўніцтва з адміністрацыяй і выдуманыя парушэнні.
Вызвалены ў лютым 2024 года, цалкам адбыўшы тэрмін пакарання, прызначаны судом.
Сяргей, дырэктар будаўнічага магазіна, быў затрыманы ў лютым 2021 года і асуджаны за ўдзел у акцыі пратэсту, якая прайшла 9 жніўня 2020 года ў Жлобіне супраць вынікаў прэзідэнцкіх выбараў. Падчас разгону акцыі яму разбілі галаву. Вядома таксама, што яго крама падтрымала агульнанацыянальны страйк 26 кастрычніка 2020 года, пасля чаго ўлады вымусілі арэндадаўцу разарваць дамову арэнды.
Вызвалены ў лістападзе 2022 года, поўнасцю адбыўшы тэрмін пакарання, прызначаны судом.
Віктар быў асуджаны па крымінальнай справе, узбуджанай за ўдзел у акцыях пратэсту, якія прайшлі з 9 па 11 жніўня 2020 года ў Жлобіне супраць вынікаў прэзідэнцкіх выбараў.
У кастрычніку 2021 года ён быў асуджаны паўторна за "абразлівыя дзеянні ў дачыненні да дзяржаўнага сімвала — сцяга".
Вызвалены ў чэрвені 2023 года, поўнасцю адбыўшы тэрмін пакарання, прызначаны судом.
Ілья быў асуджаны па крымінальнай справе, узбуджанай за ўдзел у акцыях пратэсту, якія прайшлі з 9 па 11 жніўня 2020 года ў Жлобіне супраць вынікаў прэзідэнцкіх выбараў.
У кастрычніку 2021 года ён быў асуджаны паўторна за "абразлівыя дзеянні ў дачыненні да дзяржаўнага сімвала — сцяга".
Вызвалены ў жніўні 2023 года, поўнасцю адбыўшы тэрмін пакарання, прызначаны судом.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
