Усе рэпрэсаваныя

Аляксандр быў затрыманы ў бацькоў у Лунінцы 7 чэрвеня 2021 года, пасля чаго перавезены ў Мінск, затым — у Жодзіна, дзе яго ўзялі пад варту ў рамках крымінальнай справы, распачатай пасля шэсця ў Курапаты, якое прайшло 1 лістапада 2020 года ў Мінску. Праз два месяцы яго асудзілі за «ўдзел у групавых дзеяннях, якія груба парушаюць грамадскі парадак» і прысудзілі да абмежавання волі з накіраваннем у папраўчую ўстанову.

Пакінуў Беларусь да пачатку адбывання пакарання.

У лістападзе 2024 года ў рамках спецвытворчасці ў дачыненні да Аляксандра адбылося завочнае судовае паседжанне аб замене абмежавання волі на пазбаўленне волі ў калоніі.

Барыс быў затрыманы ў чэрвені 2021 года ў рамках крымінальнай справы, узбуджанай па падзеях жніўня 2020 года. Яго асудзілі за ўдзел у акцыі пратэсту, якая праходзіла 9 жніўня 2020 года ў Гродне пасля абвяшчэння вынікаў прэзідэнцкіх выбараў. Барыса прыгаварылі да абмежавання волі з накіраваннем у папраўчую ўстанову, ён быў вызвалены з-пад варты ў зале суда да ўступлення прыгавору ў сілу.

Барыс характарызуецца як вельмі добры і спагадлівы чалавек, які заўжды дапамагае іншым і не можа нікому адмовіць.

Пакінуў Беларусь.

У лютым 2025 года ў рамках спецвытворчасці ў дачыненні да Барыса адбылося завочнае судовае паседжанне аб замене абмежавання волі на пазбаўленне волі ў калоніі.

Васіль быў затрыманы ў траўні 2021 года ў рамках крымінальнай справы, узбуджанай за аднаўленне графіці з «дыджэямі перамен» у знакамітым пратэстным двары «Плошча Перамен» па артыкуле «злоснае хуліганства, учыненае групай асоб». У жніўні таго ж года яго прыгаварылі да абмежавання волі з накіраваннем і вызвалілі з-пад варты ў зале суда да ўступлення прыгавору ў сілу.

Вядома, што ў кастрычніку 2024 года ў дачыненні да Васіля ў рамках спецвытворчасці разглядалася справа аб замене абмежавання волі на пазбаўленне волі ў калоніі.

Сяргей быў затрыманы ў траўні 2021 года па абвінавачанні ў "актыўным удзеле ў групавых дзеяннях, якія груба парушаюць грамадскі парадак" за ўдзел у акцыях пратэсту, якія праходзілі ў 2020 годзе ў Менску супраць вынікаў выбараў і гвалту ў краіне з боку сілавікоў. У верасні 2021 года яго прыгаварылі да абмежавання волі з накіраваннем і вызвалілі з-пад варты ў зале суда да ўваходжання прыгавору ў сілу.

У снежні 2024 года ў рамках спецвытворчасці па справе Сяргея адбылося завочнае судовае паседжанне па пытанні "замены абмежавання волі з накіраваннем у папраўчую ўстанову адкрытага тыпу на пазбаўленне волі".

Ілья быў затрыманы ў сакавіку 2021 года і асуджаны за "ўдзел у групавых дзеяннях, якія груба парушаюць грамадскі парадак", а таксама па артыкуле аб "хуліганстве" за пашкоджанне дзвюх камер "Белтэлекама" і нанясенне "цынічных надпісаў". Гэта адбылося ў межах крымінальнай справы, узбуджанай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх быў ужыты вадамёт.

Ілля паспеў пакінуць Беларусь да таго, як пачаў адбываць пакаранне.

У лютым 2025 года ў рамках спецвытворчасці па справе Іллі адбылося завочнае судовае паседжанне па пытанні "замены абмежавання волі з накіраваннем у папраўчую ўстанову адкрытага тыпу на пазбаўленне волі".

Кацярына — юрысконсульт TUT.BY. Скончыла юрфак БДУ. Да TUT.BY працавала ў буйной рэкламнай кампаніі.

Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. Праз некалькі дзён змясцілі пад хатні арышт.

У красавіку 2022 года стала вядома, што Кацярыне змянілі меру стрымання з хатняга арышту на падпіску аб нявыездзе.

На суд па справе TUT.BY, які пачаўся ў студзені 2023 года ў закрытым рэжыме, Кацярына не з'явілася — да таго часу яна ўжо пакінула краіну.

У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.

Алена — журналістка. Пачала працу ў TUT.BY у 2014 годзе. Спачатку працавала ў раздзеле "Будаўніцтва і нерухомасць", праз некалькі гадоў перайшла ў раздзел "Грошы і ўлада".

Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. У ліпені 2022 года Алену выпусцілі з СІЗА пад падпіску аб неразгалошванні і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".

На суд па справе TUT.BY, які пачаўся ў студзені 2023 года ў закрытым рэжыме, Алена не з'явілася — да таго часу яна ўжо пакінула краіну. У красавіку таго ж года Менскі гарадскі суд выклікаў дэпутата Валерыя Варанецкага і палітолага Яўгена Прэйгермана, якія даручыліся за Алену — ім прызначылі штраф у памеры па 18,5 тысячы беларускіх рублёў кожнаму.

У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.

Вольга — былая галоўрэд палітыка-эканамічнага блока TUT.BY, скончыла БДУ, БДЭУ і Оксфард, вяла праграму "Эканоміка на пальцах" з Сяргеем Чалым.

18 траўня 2021 года яна была затрымана па крымінальнай справе аб ухіленні TUT.BY ад выплаты падаткаў. Пазней ёй прад'явілі абвінавачанні ў "распальванні сацыяльнай варожасці" і "закліках да санкцый". У сакавіку 2022 года яе выпусцілі з СІЗА пад падпіску аб нявыездзе і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".

На суд па справе TUT.BY, які пачаўся ў студзені 2023 года ў закрытым рэжыме, Вольга не з'явілася — да таго моманту яна ўжо пакінула краіну. У красавіку таго ж года Мінскі гарадскі суд выклікаў кіраўніка Рэспубліканскага саюза прамыслоўцаў і прадпрымальнікаў (РСПП) Аляксандра Швеца ў сувязі з яго паручальніцтвам за Вольгу - яму прызначылі штраф у памеры 18,5 тысячы беларускіх рублёў.

У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.

Вадзім быў затрыманы ў красавіку 2021 года і асуджаны за ўдзел у акцыі пратэсту, якая праходзіла 10 жніўня 2020 года ў Менску супраць фальсіфікацыі вынікаў прэзідэнцкіх выбараў.

У лістападзе і снежні 2024 года, а таксама ў лютым 2025 года ў дачыненні да Вадзіма адбыліся завочныя судовыя пасяджэнні "аб замене абмежавання волі без накіравання ў папраўчую ўстанову адкрытага тыпу".

Андрэй быў затрыманы ў красавіку 2021 года і асуджаны за ўдзел у акцыі пратэсту, якая праходзіла 10 жніўня 2020 г. у Мінску супраць фальсіфікацыі вынікаў прэзідэнцкіх выбараў.

У лістападзе і снежні 2024 года, а таксама ў лютым 2025 года ў дачыненні да Андрэя адбыліся завочныя судовыя пасяджэнні "аб замене абмежавання волі без накіравання ў папраўчую ўстанову адкрытага тыпу".

Сяргей быў асуджаны па абвінавачанні ў абразе двух супрацоўнікаў міліцыі — нібыта ён негатыўна выказваўся пра іх у каментарах у сацыяльных сетках. Пасля ён пакінуў Беларусь.

У снежні 2024 года ў дачыненні да яго адбылося завочнае судовае пасяджэнне «аб замене абмежавання волі без накіравання ў папраўчую ўстанову адкрытага тыпу».

Кірыл быў асуджаны за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Па версіі абвінавачання, акцыя парушыла працу грамадскага транспарту.

Да пачатку адбывання пакарання ён пакінуў Беларусь.

У снежні 2024 года стала вядома, што ў дачыненні да Кірылы адбылося завочнае судовае паседжанне аб замене абмежавання волі на пазбаўленне волі ў калоніі.

Мацвей, экспедытар і студэнт Мінскага каледжа прадпрымальніцтва, быў асуджаны за ўдзел у акцыі пратэсту — Маршы вызвалення палітвязняў, якая прайшла 4 кастрычніка 2020 года ў Мінску.

У снежні 2024 года стала вядома, што ў дачыненні да Мацвея адбылося завочнае судовае паседжанне аб замене абмежавання волі на пазбаўленне волі ў калоніі.

Аляксандр двойчы прыцягваўся да адміністрацыйнай адказнасці за расклейку ўлётак і быў асуджаны за тое, што, паводле версіі дзяржабвінавачання, у іх змяшчаліся звесткі абразлівага характару ў дачыненні да супрацоўніка Ленінскага РАУС Брэста, што стала падставай для крымінальнай справы.

Аляксандр паспеў пакінуць Беларусь да таго, як пачаў адбываць пакаранне.

У снежні 2024 года ў дачыненні да яго адбылося завочнае судовае пасяджэнне па замене абмежавання волі на пазбаўленне волі ў калоніі.

Сяргей быў асуджаны за тое, што расцягнуў плакат з надпісам: "Пакуль у краіне беззаконне, супраціў — наш абавязак", перакрыўшы рух аўтамабільнага транспарту.

Пакінуў Беларусь.

У лютым 2025 года ў рамках спецвытворчасці па справе Сяргея адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.