Сяргея судзілі за два каментары ў бок двух прадстаўнікоў улады, якія ён пакінуў у 2020 годзе. Кожнаму Лебядзінскі павінен выплаціць па 1500 рублёў кампенсацыі маральнай шкоды.
Асуджаная за ўдзел у пратэстах 2020 года. Вераніку, якая трымала ў руках плакат бел-чырвона-белага колеру з надпісамі, ідэнтыфікавалі па фота на адным з сайтаў.
Яўгену абвінавацілі ва ўдзеле ў акцыі пратэсту ў Мінску і ў выхадзе на праезную частку на праспектах Незалежнасці і Пушкіна. Згодна з судовай пастановай, мінчанка паказвала рукой знак "вікторыя" і выкарыстоўвала бел-чырвона-белы сцяг "у якасці пратэстнай сімволікі" .
Савасцеева цалкам прызнала сваю віну. Жанчыну апазналі па фатаграфіі ў адным з тэлеграм-каналаў.
Асуджаная за рэпост карцінкі, на якой была надмагільная пліта з партрэтам Лукашэнкі. Аляксандру за такое «свавольства» прызналі вінаватай у «абразе Лукашэнку». Прысуд вынесла судзьдзя Алеся Парфёненку. Адбываць пакараньне Аляксандра будзе ва ўмовах агульнага рэжыму.
Падчас судовага працэсу абвінавачаная распавяла, што палічыла вясёлым тэкст пад згаданым малюначкам, таму паставіла ёй "клас" і рэпаснула сабе.
Прысуд уступіў у сілу.
Вызвалена ў снежні 2023 года, поўнасцю адбыўшы тэрмін пакарання, прызначаны судом.
Паводле абвінавачання, Максім Палуянчык 14 жніўня 2020 года прыняў актыўны ўдзел у несанкцыянаваным масавым мерапрыемстве па вуліцы Брэсцкай у Фаніпалі. Пры гэтым "разам з іншымі выходзіў на праезную частку вуліцы, перашкаджаў працы грамадскага транспарту, пляскаў у ладкі і непадпарадкоўваўся законным патрабаванням супрацоўнікаў міліцыі". Быў апрануты ў белую майку і чырвоную байку.
Валерыю Жыгадлу 45 гадоў. Родам ён з Баранавіч. Праўладны тэлеграм-канал сцвярджае , што ў яго машыне знаходзіліся невялікія сцяжкі Украіны і Беларусі і што на яго данёс "неабыякавы грамадзянін".
Сяргею Баўфалу 52 гады. Не паведамляецца, дзе і калі Сяргей "абразіў" міліцыянераў з пасёлка Дняпро, што на Магілёўшчыне. Пра яго затрыманне стала вядома з відэа, якое выйшла ў канале сілавікоў "зваротны бок" (які калісьці сам раскрыў сваіх адмінаў). Мужчына на відэа загорнуты ў нацыянальны сцяг. Там жа сцвярджаецца, што супраць яго нібыта заведзена крымінальная справа.
Дзіне 23 гады. Летась скончыла Мінскі дзяржаўны лінгвістычны ўніверсітэт і стала дыпламаванай перакладчыцай з англійскай і арабскай моў. Ва ўніверсітэце дзяўчына ўдзельнічала ў алімпіядах па перакладзе тэкстаў, а ў яе рэзюмэ пазначана, што яна перакладала тэксты для структур ААН.
У відэа сілавікоў сцвярджаецца, што яна «праверыла» сябе ў фэйкавым боце BYPOL і неўзабаве да яе прыйшлі. Але не факт, што гэта праўда. На рэсурсах, якія захоўваюць гісторыю акаўнтаў, бачна, што калісьці яе тэлеграм-акаўнт называўся яе ўласным імем.
Далучайся да нашай супольнасці
👉 Будзь на перадавой лініі дапамогі, атрымлівай эксклюзіўныя навіны і дзяліся сваёй падтрымкай.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
