Палітвязні

Апошнім часам Іван працаваў у кампаніі "Белэнерга". Яго праца - усталёўка і налада оптавалакновых сетак і камунікацый.

Іван вельмі актыўны тэлеграм-каментатар. З 2019 па 2025 гады ён пакінуў у адкрытых чатах больш за 50 тысяч паведамленняў. Вялікая іх частка не тычыцца палітыкі - ён абмяркоўваў тэхналогіі, даваў прафесійныя парады па мантажы і інструментам для сетак. Але пісаў ён і пра палітыку. Качанаў падтрымаў рух за свабодныя выбары і асудзіў уварванне Расіі ва Украіну. Пры гэтым ён крытыкаваў Еўропу і НАТА, выступаў супраць пераследу беларусаў за мяжой і супраць рэпрэсій, а таксама супраць рэпрэсій за рускую мову ва Украіне, бо гэта "распальвае агрэсію".

Асуджаны за каментары ў чаце, прызнаным экстрэмісцкім і за ўдзел у пратэстах 2020 года. Праз два тыдні пасля этапу ў калонію на Івана завялі другую крымінальную справу па чаце "Беларускі Гаюн" і зноў перавялі ў СІЗА,

Па сцвярджэнні праўладных СМІ абвінавачваецца ў фінансаванні тэрарыстычнай дзейнасці за данат Палку Каліноўскага 50 уе ў 2023 годзе.

Ён быў студэнтам юрыдычнага факультэта Брэсцкага ўніверсітэта, але потым з'ехаў у Польшчу.

Падрабязнасці справы невядомыя. Па інкрымінаваным артыкуле гродзенцу пагражае пазбаўленне волі на тэрмін ад сямі да пятнаццаці гадоў.

У студзені 2025 года беларускі прапагандыст Рыгор Азаронак даў інтэрв'ю расійскай журналістцы Ксеніі Сабчак. Падчас размовы Сабчак узяла са стала Азаронка ліст з пастановай аб прызнанні яго пацярпелым па крымінальнай справе.

Сабчак зачытала на камеру дэталі пастановы. У лісце гаворыцца, што нейкі Сацішур сабраў і даў замежнай дзяржаве персанальныя дадзеныя Азаронка. Азаронак распавёў, што гэта ён падаў заяву на Сатышура за тое, што ён выклаў у інтэрнэт асабістыя дадзеныя журналіста.

Былы намеснік начальніка Жодзінскага ГАУС, узначальваў крымінальную міліцыю і выйшаў у адстаўку ў 2008-м у званні падпалкоўніка. Пасля ён быў дырэктарам Жодзінскага гарадскога цэнтра культуры і забаў.

У 2020 годзе ён і яшчэ 4 былыя супрацоўнікі Жодзінскага ГАУС запісалі зварот да калег, якія падчас пратэстаў працавалі ў жодзінскай міліцыі, і да ўсіх работнікаў праваахоўных органаў Беларусі.

Вячаслаў у звароце кажа, што разумее, што супрацоўнікі нясуць службу ў вельмі цяжкіх умовах, але заклікае іх выконваць "службовы абавязак так, як вы хацелі б, каб яго выконвалі [у дачыненні да] вас і вашых блізкіх. Тады вы зможаце глядзець у вочы народу і зараз, падчас службы, і потым, знаходзячыся на заслужаным адпачынку».

Па паведамленні СМІ , усе пяцёра былі затрыманыя ў пачатку лютага 2024 года.

Аляксандр патрапіў у суд пасля ўдзелу ў чат-рулетцы. Ён з прыяцелем сталі суразмоўцамі правакатара «Гутаркі з Палычам» і падчас гутаркі, будучы нападпітку, выказаліся аб падзеях у «Крокус Сіці Холе», выказалі падтрымку Украіне і дапусцілі зігаванне.

Аляксандра пры затрыманні сілавікі жорстка збівалі. Мужчыну быў асуджаны па адміністрацыйных артыкулах 5 разоў запар і, верагодна, адседзеў мінімум 75 сутак арышту. Пры гэтым некаторыя суткі яму далі проста за наяўнасць украінскага вымпела на стале і выгук "Слава Украіне" падчас трансляцыі ў чат-рулетцы.

Але пасля сутак ён не вызваліўся. На яго пачалі крымінальную справу.

44-гадоваму жыхару Іванава Аляксандру Дарагупцу інкрымінавалі пералік «экстрэмісцкім фармаванням», у тым ліку Палку Каліноўскага, грашовых сродкаў і крыптавалюты ў суме не менш за 11 тыс. рублёў.

Падчас расследавання крымінальнай справы мужчына "добраахвотна пералічыў" Чэрвеньскаму дому-інтэрнату для дзяцей-інвалідаў з асаблівасцямі псіхафізічнага развіцця, Івянецкаму дому-інтэрнату для дзяцей-інвалідаў з асаблівасцямі фізічнага развіцця і Рэспубліканскаму цэнтру арганізацыі медыцынскага рэагавання 600 тысяч долараў ЗША.

2 красавіка 2025 г. на АНТ выйшаў чарговы прапагандысцкі сюжэт "Цені. Кошт тэрору", дзе распавялі пра пераслед людзей за ахвяраванні і затрыманых за фінансаванне арганізацый, прызнаных уладамі "экстрэмісцкімі" ці "тэрарыстычнымі". У фільме паказалі некалькі асуджаных і тых, хто яшчэ чакае суда. Па сюжэце Аляксандра асудзілі, у тым ліку за донаты палку Каліноўскага, BySol, а таксама розным інфармацыйным рэсурсам. Прапагандысты называюць 18 данатаў на агульную суму не менш як тры тысячы еўра.

Суд праходзіць у закрытым рэжыме. Сутнасць абвінавачання супраць Мікалая невядомая.

Мужчына працаваў на пасадзе намесніка дырэктара прадпрыемства па вытворчасці кандытарскіх вырабаў ПГУП "універсал-люкс". Вядома, што Мікола нарадзіўся ва Ўкраіне, але мае беларускае грамадзянства.

Як індывідуальны прадпрымальнік займаўся рамонтам і абслугоўваннем камп'ютарнага абсталявання.

Аляксандр быў сярод пратэстоўцаў, якія стаялі на праспекце Машэрава ў Брэсце 10 жніўня 2020 года. Сілавікі выкладалі гэтыя фота ў сакавіку 2024 года.

прадстаўнік мінскага стартап-хаба "Імагуру". Выпускнік магістарскай праграмы ЕГУ "Еўрапейскія даследаванні", пасля гэтага працаваў у шэрагу НДА і прыватным сектары з бізнесам. Ствараў і развіваў стартап-экасістэмы Беларусі.

3 мая 2024 года Камітэт дзяржаўнай бяспекі Беларусі ўнёс у спіс так званых «экстрэмісцкіх фармаванняў» шэраг медыя-рэсурсаў праекта FreeInfoBel, таксама былі пазначаныя канкрэтныя людзі, якія, на іх думку, маюць дачыненне да праекту - Вольгу Пашкевіч і Іосіфа Дулеба. Прычым аб унясенні FreeInfoBel па факце стала вядома толькі праз 5 дзён - 8 траўня.

У дадзены момант невядома, па якой менавіта крымінальнай справе мужчына знаходзіцца пад вартай, але, можна меркаваць, што яна звязана з «экстрэмізмам». Удалося даведацца , што затрыманы Дулеба быў першапачаткова па адміністрацыйнай справе. Аднак, калі прыйшоў час вызвалення з ІЧУ, Дулеба на волю не выйшаў - яго перавялі ў СІЗА.

Мужчына ў мінулым узначальваў Віцебскае падраздзяленне БНФ, але на пачатку 2000-х адышоў ад партыйных справаў.

Падрабязнасці прысуду сталі вядомыя з каментара пракурора Плескацэвіча пінскай дзяржТВ (імя абвінавачанага не называецца, але ён адзіны, каго ў 2024 годзе судзілі ў Пінску па артыкуле «беспарадкі»). Пракурор пераказаў пазіцыю абвінавачанага: 9 жніўня 2020 года той прагаласаваў на выбарчым участку, вярнуўся дадому і шмат выпіў (каля бутэлькі гарэлкі), пасля чаго "з цікавасці пайшоў паглядзець на мітынгоўцаў каля будынка гарвыканкама". Што менавіта далей мужчына рабіў на пратэстах, паводле якіх матываў, ён не памятаў з-за алкаголю (з яго слоў). Але на відэа патрапіла тое, што абвінавачанне кваліфікавала наступным чынам: «прыняў актыўны ўдзел [у беспарадках], а менавіта сваімі дзеяннямі падтрымаў учынены пагром і накінуўся з іншымі пратэстоўцамі на міліцыянтаў» .

Сяргей быў затрыманы проста ў каледжы падчас заняткаў у канцы снежня 2023 года. У праўладным фільме (красавік 2024 года) распавялі , што шэсць падлеткаў нібыта аб'ядналіся ў "анархісцкую ячэйку "Чорныя салаўі", якую "пад кіраўніцтвам Нацыянальнай вызваленчай арміі Украіны" стварыла 16-гадовая грамадзянка Украіны Марыя Місюк.

Супрацоўнікі АНТ сцвярджаюць, што падлеткі аб'ядналіся, каб рабіць дыверсіі па навядзенні ў Беларусі, а пасля - у Расіі. Марыю абвінавачваюць паводле ч. 2 арт. 289 КК (акт тэрарызму). Паводле сюжэту, 16-гадовая Марыя Місюк у 2022 годзе пераехала разам з сям'ёй з Украіны ў Беларусь, дзе стварыла "анархісцкае вочка для падрыхтоўкі тэрактаў". Сярод затрыманых – навучэнцы каледжаў у Баранавічах, Нясвіжы, Міры, Мінску і Лунінцы. Гэта Трафім Барысаў, Сяргей Жыгалёў , Зміцер Захарошка, Анастасія Кліменка і Аляксандра Пуліновіч. Як сцвярджаюць супрацоўнікі АНТ, маладыя людзі збіраліся на Баранавіцкай кватэры, каб падрыхтавацца да сваёй першай сур'ёзнай акцыі – сабраць узрыўчатку і падарваць Баранавіцкую філію міліцыі ці пракуратуру. Па якіх артыкулах абвінавачваюць астатніх пяці ўдзельнікаў, невядома. Як і невядомы іх статусы і месцазнаходжанне.

Пасля пераводу ў калонію Сяргея на месяц адразу змясцілі ў ШІЗА.