Таццяна Уладзіміраўна Акавітая

Колькасць рэпрэсаваных:

31

Адміністрацыйных спраў:

2

Дзень нараджэння:

4 красавіка 1988

Таццяна Уладзіміраўна Акавітая мае дачыненне да палітычна матываваных рэпрэсій у Рэспубліцы Беларусь. Акавітая нясе адказнасць за тое, што ў якасці суддзі суда Цэнтральнага раёна горада Мінска выносіць шматлікія палітычна матываваныя прысуды ў дачыненні да журналістаў, лідэраў апазіцыі, актывістаў і пратэстоўцаў. У судовай практыцы Таццяна Уладзіміраўна Акавітая разглядае не толькі адміністрацыйныя справы, але і крымінальныя. У выніку яе рашэнняў ужо былі выдадзены штрафы сумарна не менш як на 30932 рублёў і адміністрацыйныя арышты сумарна не менш як на 587 сутак, а таксама на розныя тэрміны турэмнага зняволення былі асуджаныя прадстаўнікі грамадзянскай супольнасці Рэспублікі Беларусь. У прыватнасці Таццяна Акавітая прыгаварыла Дзмітрыя Ушацкага да двух гадоў абмежавання волі па артыкуле 369 КК РБ за каментар у тэлеграм-чаце аб прэс-сакратары МУС Вольгі Чамаданавай. У снежні 2020 года сваім рашэннем пакінула пад вартай журналістку tut.by Кацярыну Барысевіч у СІЗА, нягледзячы на наяўнасць у апошняй непаўналетняга дзіцяці. У лютым 2022 года прымала ўдзел у масавых судах над удзельнікамі мірных акцый пратэсту супраць ваеннага ўварвання Расійскай Федэрацыі ва Украіну. У прыватнасці яна прыгаварыла студэнтаў мінскіх ВНУ да адміністрацыйных арыштаў на тэрмін ад 13 да 15 сутак. Такім чынам, Акавітая Таццяна Уладзіміраўна нясе адказнасць за парушэнні правоў чалавека і падрыў вяршэнства закона, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі. Яе праца ў рамках судовай сістэмы сфакусаваная на падтрыманні пазіцый існуючай улады, а не на выкананні закону. Дзеянні Акавітай спрыяюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна-матываваных рэпрэсій у Рэспубліцы Беларусь.