Яраслаў быў затрыманы ў верасні 2021 года ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра. Першапачаткова ён праходзіў абвінавачаным па артыкулах "распальванне варожасці" і "абраза прадстаўніка ўлады", якія пасля былі перакваліфікаваныя.
У верасні 2022 года яго прызналі вінаватым па артыкулах "абраза Лукашэнкі" і "дыскрэдытацыя Рэспублікі Беларусь", прыгаварыўшы да пазбаўлення волі і выплаты буйнога штрафу.
Па падліках праваабаронцаў, ён быў вызвалены ў лістападзе 2022 года, цалкам адбыўшы прызначаны судом тэрмін пакарання.
