Вячаслаў і раней трапляў пад пераслед: у снежні 2010 года пасля разгону мірнай акцыі ў Мінску ён адбыў 15 сутак арышту, а ў 2013 годзе атрымаў пяць сутак за маніторынг затрыманняў падчас «Чарнобыльскага шляху».
16 лютага 2022 года Вячаслава затрымалі супрацоўнікі КДБ па абвінавачванні ў тым, што перад рэферэндумам 27 лютага 2022 года ён рассылаў членам выбарчых камісій лісты з заклікам сумленна лічыць галасы.
У верасні 2022 года Вячаслава прызналі вінаватым па крымінальнай справе, узбуджанай па артыкуле «Перашкаджанне ажыццяўленню выбарчых правоў», прыгаварыўшы да пазбаўлення волі ў калоніі агульнага рэжыму.
Вызвалены ў верасні 2023 года, цалкам адбыўшы прызначаны судом тэрмін пакарання.
