Вячаславу Папшо 39 гадоў, грамадзянін Літвы і жыў у Вільні. Верагодна, у Вячаслава беларускія карані, прынамсі, доўгі час ён цікавіўся падзеямі ў Беларусі. Свабодна валодае літоўскай і рускай мовамі, але таксама добра разумее беларускую.
У 2020 годзе ён пачаў прысвячаць свае відэа выключна беларускай тэме. Ён падтрымліваў беларусаў, якія выходзілі на пратэсты, расказваў пра палітвязняў і крытыкаваў розныя структуры. У апошні час гэтаму была прысвечана большая частка яго кантэнту.
Вячаслаў нечакана знік адусюль 29 ліпеня 2024 года. Пасля гэтага з ягонага канала знікла частка відэа, а з канала і чата ў тэлеграме выдалілі некаторых падпісчыкаў. 23 жніўня 2024 года ягоны канал «Жыве» быў унесены ў спіс экстрэмісцкіх фарміраванняў.
Нядаўна стала вядома , што Вячаслаў паехаў у РБ і быў затрыманы.
У яго ёсць жонка беларуска і дачка.
17.11.2025 у Вячаслава пачаліся суды.
13.12.2025 года, да вынясення прыгавору, Вячаслаў быў вызвалены пасля чарговага візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла, і вывезены ў Літву.
