Паводле версіі абвінавачання, 31 снежня 2022 года Уладзімір размясціў у сацыяльнай сетцы "УКантакце" ў закрытым публічным чаце пад графічным выявай Лукашэнкі каментар з негатыўнай ацэнкай у ненарматыўнай форме. Змест каментара праваабаронцам невядомы.
На судовым паседжанні ён цалкам прызнаў віну, ад дачы паказанняў адмовіўся. Да суда знаходзіўся пад падпіскай аб нявыездзе. Таксама вядома, што яго неаднаразова прыцягвалі да адміністрацыйнай адказнасці па артыкуле за "распаўсюджванне экстрэмісцкіх матэрыялаў".
Па падліках праваабаронцаў, улетку 2025 года ён быў вызвалены, цалкам адбыўшы прызначаны судом тэрмін пакарання.
