Віктар быў затрыманы ў кастрычніку 2021 года ў межах крымінальнай справы, узбуджанай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх быў ужыты вадамёт.
У снежні 2022 года ён быў прызнаны вінаватым у «актыўным удзеле ў групавых дзеяннях, якія груба парушаюць грамадскі парадак» і прыгавораны да абмежавання волі без накіравання ў папраўчую ўстанову адкрытага тыпу. Быў вызвалены з-пад варты ў зале суда пасля абвяшчэння прысуду.
