Вадзім працаваў гукааператарам Чачэрскага раённага Дома культуры. Паводле версіі абвінавачання, 5–6 чэрвеня 2021 года пасля вечарыны ён разам са знаёмымі расклейваў па горадзе налепкі, у тым ліку з надпісам «Салідарнасць – наша зброя». Налепкі на тэрыторыі школы выявіла яе дырэктарка, якая і выклікала міліцыю. Падчас запісу «пакаяннага» відэа Вадзіму пагражалі ўдарыць яго палкай. 28 снежня 2021 года Вадзіма затрымалі.
У сакавіку 2022 года Вадзіма прызналі вінаватым па крымінальнай справе, узбуджанай па артыкулах «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх» і «Апаганьванне збудаванняў і псаванне маёмасці», прыгаварыўшы да пазбаўлення волі ў калоніі.
Паводле падлікаў праваабаронцаў, ён быў вызвалены ў сакавіку 2024 года, цалкам адбыўшы прызначаны судом тэрмін пакарання.
