Экс-дырэктара Алімпійскага цэнтра па фрыстайле.
У верасні 2020-га Вадзіма Крывашэева звольнілі з пасады дырэктара Рэспубліканскага цэнтра алімпійскай падрыхтоўкі па фрыстайле за "дрэнную ідэалагічную працу ў калектыве". Пасля гэтага ён з'ехаў з Беларусі.
А 20 сакавіка 2026 года ў Мінскім гарадскім судзе ў парадку спецвытворчасці разгледзелі крымінальную справу супраць Вадзіма. Паводле абвінавачання , Вадзім Крывашэеў у 2020-2021 гадах увайшоў у склад "экстрэмісцкіх фарміраванняў" "Беларускі фонд спартыўнай салідарнасці" і "народнае Антыкрызіснае ўпраўленне". Як сцвярджае пракуратура, ён "заклікаў з іншымі асобамі да дзеянняў па прычыненні шкоды нацыянальнай бяспецы Беларусі". Напрыклад, выказваўся за прымяненне санкцый з мэтай аказання націску на органы ўлады, кіравання і службовых асоб краіны для перагляду вынікаў выбараў. Пасля гэтага, як піша пракуратура , "садзейнічаў удзельнікам змовы і асобам, якія далучыліся да іх, а таксама створаным імі экстрэмісцкім фарміраванням у спробе захопу неканстытуцыйным шляхам дзяржаўнай улады".
Таксама сцвярджаецца, што ён у перыяд працы на пасадзе дырэктара спартыўнага цэнтра "не забяспечыў захаванасць, належны стан і працу замацаванай за цэнтрам маёмасці, у тым ліку сістэмы бяспекі на вадзе "Blue Fox". Паводле абвінавачання , таксама ён дапусціў працу басейна і атракцыёнаў пры значным недаўкамплектаванні змен інструктарамі-выратавальнікамі на водах". чынам, каб гарантаваць бяспеку наведвальнікаў. Пракуратура сцвярджае, што згаданыя дзеянні Крывашэева пацягнулі гібель маладой дзяўчыны.
