Сяргей, супрацоўнік "Беларускай чыгункі", быў асуджаны ў кастрычніку 2021 года па артыкуле "апаганенне збудаванняў і псаванне маёмасці" за нанясенне надпісу "Жыве Беларусь" на прыпынку ў вёсцы Ляцешын Клецкага раёна. Нягледзячы на тое, што да суда ён цалкам кампенсаваў матэрыяльную шкоду і меў станоўчыя характарыстыкі з месца працы, суд прыгаварыў яго да арышту.
Па падліках праваабаронцаў, ён быў вызвалены зімой 2022 года, цалкам адбыўшы прызначаны судом тэрмін пакарання.
