Сяргей быў затрыманы ў сакавіку 2021 года ў рамках крымінальнай справы, узбуджанай па артыкуле "наўмыснае прывядзенне ў непрыдатнасць транспартнага сродку або шляхоў зносін", і ў кастрычніку таго ж года асуджаны за ўстаноўку на чыгуначных шляхах металічных нітак, дроту і іншых аналагічных прадметаў.
У ходзе суда ён прызнаў віну толькі па адным эпізодзе, учыненым пад уплывам асабістых абставін — страты дзіцяці: ён выехаў у лес і з дапамогай дроту закараціў рэйкавы ланцуг. Па астатніх эпізодах віну не прызнаў, заявіўшы, што абгаварыў сябе на следстве.
Вызвалены ў кастрычніку 2023 года, цалкам адбыўшы тэрмін пакарання, прызначаны судом.
