Да затрымання Круковіч працаваў правізарам у РУП "Белфармацыя". Быў затрыманы вясной 2024 года і да суда знаходзіўся пад грашовым залогам у памеры 8 000 рублёў.
Па матэрыялах абвінавачання Раман Круковіч, у жніўні 2020 года "знаходзіўся ў Мінску і рухаўся разам з сябрамі і знаёмымі па праезнай частцы праспекта Пераможцаў, блакіраваў і заступаў шлях транспартным сродкам, што пацягнула парушэнне працы грамадскага транспарту. Гэтыя дзеянні прычынілі прадпрыемству "Мінсктранс" матэрыяльны ўрон. на суму 7580 рублёў 22 капейкі".
У тэлефоне абвінавачанага падчас следства знойдзеныя фотавыявы, на якіх бачна, што ён знаходзіўся на праезнай частцы дарогі.
