17 лютага 2022 года Алега затрымалі і змясцілі ў СІЗА. Паводле версіі абвінавачання, 9 лютага ён пакінуў у Брэсце два надпісы — «Стоп Лукашенко» на фасадзе жылога дома і «Стоп Лука» на прыпынку грамадскага транспарту.
У красавіку 2022 года Алега прызналі вінаватым па крымінальнай справе, узбуджанай па артыкуле «Апаганьванне збудаванняў і псаванне маёмасці», прыгаварыўшы да арышту.
Вызвалены ў траўні 2022 года, цалкам адбыўшы прызначаны судом тэрмін пакарання.
