Алег быў прызнаны вінаватым у лістападзе 2021 года па крымінальнай справе, узбуджанай па артыкуле аб абразе прадстаўніка ўлады. Падставай для ўзбуджэння справы стаў каментар, размешчаны ў суполцы «Беларуская турма» сацыяльнай сеткі «УКантакце», з фразай «упыр, недакапітан» у дачыненні да Ігара Пятрова — начальніка аддзялення па выхаваўчай працы са спецкантынгентам папраўчай калоніі № 1 УДВП Віцебскай вобласці.
На пытанне дзяржабвінаваўцы, ці знаёмы ён з пацярпелым, Алег адказаў сцвярджальна, растлумачыўшы, што ведае пацярпелага з моманту адбывання ім пакарання ў выглядзе пазбаўлення волі ў ПК № 1 г. Наваполацка.
У лістападзе 2022 года адбылося судовае паседжанне па пытанні замены абмежавання волі без накіравання ў папраўчую ўстанову адкрытага тыпу. Вынік паседжання невядомы.
