Аксана Дзячук нарадзілася ў 1998 годзе ў Марыупалі. Увесну 2022 года, калі расейскія войскі штурмавалі горад, яна спрабавала знайсці ў лакальных чатах маці - настаўніцу Наталлю Яўстаф'еўну, з якой больш чым на месяц знікла сувязь.
Кватэра сям'і была знішчана, а маці пазбавілася жылля. Сама Аксана тады змагла выехаць на Валынь (у Турыйск і Ковель). Увосень 2023 года дзяўчына пераехала ў Польшчу разам са сваім хлопцам-беларусам. Яны пасяліліся ў горадзе Зялёна-Гура, дзе Аксана ўладкавалася працаваць на склад. У канцы 2025 года Дзячук дзялілася сваім расчараваннем з-за нявырашаных бытавых спраў і хвароб: «Захварэла, не вырашыла пытанне з працай і цяпер, здаецца, давядзецца вяртацца ў родны горад. Не зрабіла і паловы таго, што хацела».
У пачатку 2026 года Дзячук паехала ў Беларусь - ці праз Беларусь, - але трапіла ў СІЗА.
