Паводле версіі абвінавачання, 5–6 чэрвеня 2021 года пасля вечарыны Мікіта разам са знаёмымі расклейваў па Чачэрску налепкі і ўлёткі. 9 жніўня 2021 года яго затрымалі і змясцілі ў ізалятар часовага ўтрымання, а праз некалькі дзён адпусцілі пад падпіску аб нявыездзе. 28 снежня таго ж года Мікіту ўзялі пад варту.
У сакавіку 2022 года Мікіту прызналі вінаватым па крымінальнай справе, узбуджанай па артыкулах «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх» і «Апаганьванне збудаванняў і псаванне маёмасці», прыгаварыўшы да пазбаўлення волі ў калоніі.
Паводле падлікаў праваабаронцаў, ён быў вызвалены ў кастрычніку 2023 года, цалкам адбыўшы прызначаны судом тэрмін пакарання.
