11 жніўня 2020 года, падчас пратэстаў у Менску, Мікіта сустрэўся з братам і ягонай жонкай, каб паказаць матацыкл. Да іх пад'ехала міліцыя, і калі Мікіта папрасіў паказаць пасведчанні, яго сілай знялі з матацыкла, збілі дубінкамі і павезлі ў РУУС. Пазней, у лістападзе 2020 года, ён быў узяты пад варту і асуджаны за "супраціўленне супрацоўніку міліцыі".
Па падліках праваабаронцаў, ён быў вызвалены ў верасні 2024 года, поўнасцю адбыўшы тэрмін пакарання, прызначаны судом.
