Затрымалі Наталлю 16 лістапада, але ў той жа дзень выпусцілі пад залог памерам 18500 рублёў.
Яе абвінавацілі ва ўдзеле ў Маршы новай Беларусі 23 жніўня 2020 года і выхадзе на праезную частку. Як паведамляецца ў судовай пастанове, Наталля "выкарыстоўвала ў якасці пратэстнай сімволікі палотнішча бел-чырвона-белага колеру". Жанчыну апазналі па фатаграфіі з інтэрнэту і звестках мабільнага аператара. Яна поўнасцю прызнала віну.
Наталля Ажнова мае вышэйшую адукацыю, працуе спецыялістам па продажах.
