Наталля стала вядома яшчэ ў 2017 годзе, калі пра яе праблему расказала незалежная прэса. Жанчыну з трэцяй групай інваліднасці, якая з прычыны медыцынскіх абмежаванняў не магла ўладкавацца на працу, збіраліся выселіць з жылля за даўгі. Раней Наталля працавала ў будаўнічай арганізацыі, але пасля таго, як у яе не выявілі эпілепсію, урачы напісалі спіс абмежаванняў па працы. Пасля грамадскага рэзанансу ўлады адклікалі пазоў, а пагасіць даўгі Наталля змагла з дапамогай Нобелеўскага лаўрэата, пісьменніцы Святланы Алексіевіч. Пасля гэтага яна ўвесь час дапамагала гамяльчанцы, падключыліся да дапамогі і многія іншыя неабыякавыя людзі.
У верасні Наталля патрапіла пад «хапун» сілавікоў - яе затрымалі за «экстрэмісцкія» падпіскі. Той самы суддзя, які будзе судзіць жанчыну па крымінальных артыкулах, караў яе штрафам за адміністрацыйнае правапарушэнне. Гамяльчанку прымусілі зняцца ў «пакаяльным» відэа, на якім яна не раскаялася, і на пытанне, як яна ставіцца да ўлады, наўпрост адказала: «Дрэнна». Пасля гэтага адпусцілі пад падпіску.
Пра ўсё гэта яна таксама расказвала ў сацсетках, а ў апошнім пасце напісала аб тым, што яе прыйшлі браць пад варту — у межах крымінальнай справы. Таксама Наталля выкладала фота з парэзанымі венамі на руцэ.
Напрыканцы яе змясцілі перад самым судом.
Выйшла на волю ў канцы красавіка 2026 г. пасля заканчэння тэрміну.
