Міхаіл праходзіў па так званай «карагоднай» справе: яго абвінавацілі ва ўдзеле ў акцыі пратэсту 13 верасня 2020 года ў Брэсце, падчас якой людзі вадзілі карагод на скрыжаванні, пакуль іх не разагналі вадамётам.
Суд над ім і яшчэ адзінаццаццю абвінавачанымі пачаўся 1 снежня 2021 года, аднак Міхаіл на пасяджэнне не з'явіўся, і суддзя абвясціла яго ў вышук.
Прысуд па яго справе невядомы. Хутчэй за ўсё, Міхаіла асудзілі да абмежавання волі без накіравання ў папраўчую ўстанову адкрытага тыпу («хатняй хіміі»).
У сакавіку 2024 года ў рамках спецвытворчасці адбылося завочнае судовае пасяджэнне па пытанні ўзмацнення віду пакарання. Вынік пасяджэння невядомы.
