У канцы студзеня 2022 года Міхаіла разам з жонкай Крысцінай затрымалі па крымінальнай справе аб удзеле ў пратэстах, якія адбыліся ў 2020 годзе ў Мінску. Да суда Міхаіла ўтрымлівалі ў СІЗА.
У красавіку 2022 года Міхаіла прызналі вінаватым па крымінальнай справе, узбуджанай па артыкуле «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх», прыгаварыўшы да абмежавання волі без накіравання ў папраўчую ўстанову адкрытага тыпу. З залы суда яго адпусцілі.
Пазней Міхаіл пакінуў Беларусь.
У кастрычніку 2024 года ў межах спецыяльнай вытворчасці адбылося завочнае судовае паседжанне па пытанні ўзмацнення віду пакарання.
