У адной з сацыяльных сетак Любоў пакінула каментар пра суддзю, які следства палічыла абразлівым і выказаным у сувязі з ажыццяўленнем ім правасуддзя. Суд па яе справе праходзіў у закрытым рэжыме.
У сакавіку 2022 года Любоў прызналі вінаватай па крымінальнай справе, узбуджанай па артыкуле «Абраза суддзі або народнага засядацеля», прыгаварыўшы да абмежавання волі без накіравання ў папраўчую ўстанову адкрытага тыпу. Яе мабільны тэлефон суд канфіскаваў як сродак здзяйснення злачынства.
