Лілія Яцэвіч пакінула некалькі сотняў каментароў у розных суполках у тэлеграме. Каментары, якія паказвае ГУБАЗіК, накіраваны на падтрымку Украіны. Жанчына, напрыклад, піша, што расейскія салдаты паводзяць сябе «як фашысты, звяры, а іх маці абагаўляюць карліка» – маецца на ўвазе Пуцін.
Акаўнт Ліліі прывязаны да ўласнага тэлефона і называецца яе ўласным імем. Менавіта так яе і знайшлі губопікаўцы — да нас акаўнт Яцэвіч нехта тройчы правяраў у тэлеграм-боце «Вока Бога».
Губапікаўцы сцвярджаюць, што супраць жанчыны завялі крымінальную справу па некалькіх артыкулах.
