Кірыл быў затрыманы ў лютым 2023 года раніцай на выхадзе з пад'езда, калі ішоў на працу. Пасля ператрусу яго змясцілі на 15 сутак адміністрацыйнага арышту, а пасля іх заканчэння ён не выйшаў на волю. Яму выставілі абвінавачанне ў фінансаванні дзейнасці экстрэмісцкага фарміравання.
Улетку таго ж года яго асудзілі за тое, што з чэрвеня 2020 па май 2021 года праз плацежную сістэму Facebook Fundraising ён ахвяраваў грошы ініцыятывам By_help, BYSOL і Сумленныя людзі. На паседжанні яму прад'явілі шэсць данатаў па дзесяць даляраў кожны.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
