Іван працаваў бізнес-аналітыкам. 23 лютага 2022 года яго затрымалі па крымінальнай справе аб удзеле ў нядзельнай акцыі пратэсту, якая прайшла ў Мінску ў жніўні 2020 года. Падставай для затрымання стаў фотаздымак з гэтай акцыі. Паводле версіі абвінавачання, удзельнікі акцыі неслі плакат і бел-чырвона-белае палотнішча і перакрывалі шлях транспарту.
У траўні 2022 года Івана прызналі вінаватым па крымінальнай справе, узбуджанай па артыкуле «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх», прыгаварыўшы да абмежавання волі без накіравання ў папраўчую ўстанову адкрытага тыпу. Яго вызвалілі ў зале суда. Акрамя таго, суд спагнаў з асуджаных па справе 5 839 рублёў на карысць «Мінсктранса».
