На судзе Іван расказаў, што каля Дома ўрада “Папрасіў сцяг бел-чырвона-белай расфарбоўкі і зрабіў з ім фатаграфію на праезнай частцы дарогі, дэманструючы пры гэтым "V", фатаграфію апублікаваў на сваёй старонцы ў Instagram, але праз год гэтую фатаграфію выдаліў са сваёй сацыяльнай сеткі».
З прысуду, апублікаванага на прававым партале, вынікае, што супрацоўнікі ГУБАЗіКу выявілі мужчыну з «чат-бота п.», дзе і размяшчаўся скрыншот фота абвінавачанага з Марша ў Instagram. Невядома, што гэта за чат і навошта «неўсталяваная асоба» зачыніла старонку Instagram Андалюкевіча, а потым адправіла скрыншот у чат. Віну мужчына прызнаў поўнасцю.
