Затрыманне Ірыны адбылося 25 чэрвеня 2025 года. На выхадзе з анкадыспансера да жанчыны выскачылі некалькі чалавек у поўнай экіпіроўцы і з дубінкамі і схапіўшы, змясцілі ў свой мікрааўтобус. Гэта адбывалася на вачах пацыентаў і медперсаналу, які працуе ў анкадыспансеры.
Ірына мае складаную форму лімфомы і ў цяперашні час праходзіла хіміятэрапію. Адсутнасць належнага лячэння можа прывесці ў тым ліку і да смерці пацыенткі. Ірыну Левіну карнікі затрымалі ў сувязі з нейкай палітычна матываванай справай. Хутчэй за ўсё, затрыманне выконвалі супрацоўнікі ГУБАЗіКу. Сутнасць абвінавачанняў пакуль невядомая.
Утрымлівалася ў СІЗА №3 . Па стане на жнівень 2025 г. Ірыне змянілі меру стрымання, і яна не ў следчым ізалятары .
