Ігар быў затрыманы ў сакавіку 2021 года і асуджаны за "ўдзел у групавых дзеяннях, якія груба парушаюць грамадскі парадак" у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.
Другі раз Ігара асудзілі ў жніўні 2021 года па артыкуле аб "хуліганстве" за пашкоджанне дзвюх камер "Белтэлекама" і нанясенне "цынічных надпісаў".
Вызвалены ў 2024 годзе, поўнасцю адбыўшы тэрмін пакарання, прызначаны судом.
