Ігар быў асуджаны ў ліпені 2021 года ў межах крымінальнай справы, узбуджанай па падзеях жніўня 2020 года ў Мінску. Па версіі абвінавачання, ён браў удзел у акцыях пратэсту, якія праходзілі ў сталіцы 9–11 жніўня 2020 года. "Мінсктранс" ацаніў урон ад прастою грамадскага транспарту ў гэтыя дні ў 27 958 рублёў 50 капеек. Пасля абвяшчэння прысуду Ігар быў узяты пад варту проста ў зале суда.
У траўні 2025 года ён быў вызвалены, цалкам адбыўшы тэрмін пакарання, прызначаны судом.
