Праўладныя каналы сцвярджаюць , што Яўген «удзельнічаў у арганізацыі беспарадкаў», пасля чаго з'ехаў з Беларусі і «размяшчаў экстрэмісцкую сімволіку». Судзячы па ўсім, яго затрымалі па вяртанні ў краіну.
Мяркуючы па Instagram, Яўген займаецца электронікай і аўдыёапаратурай. «Фатаграфіяй з пратэстаў» сілавікі, мяркуючы па відэа, палічылі ягонае фота з Сяргеем Ціханоўскім, відавочна зробленае на афіцыйным пікеце і апублікаванае 26 траўня 2020 года — задоўга да масавых пратэстаў і за тры дні да затрымання Ціханоўскага.
"Экстрэмісцкай сімволікай" сілавікі назвалі нацыянальны арнамент і былы дзяржаўны герб "Пагоня". Яны заявілі, што затрымалі мужчыну таму, што той "не раскаяўся ў сваіх грахах, не пакараны і не звяртаўся ў камісію па вяртанні".
