Працавала ў дзяржаўнай газеце "Брэсцкі веснік" (заснавальнікам з'яўляецца гарвыканкам) і тэлерадыёкампаніі "Брэст".
Таксама раней Алена Цімашчук як фрылансер супрацоўнічала з рэгіянальнымі выданнямі "Вячэрні Брэст", "Брэсцкі кур'ер", "Брэсцкая газета", інтэрнэт-выданнем "Віртуальны Брэст", а таксама "Брэсцкім зялёным парталам".
Як адзначаюць мясцовыя журналісты, Алена Цімашчук падчас супрацоўніцтва з незалежнымі выданнямі не рыхтавала публікацый на палітычныя тэмы. Часам яна рабіла рэкламныя артыкулы і пісала на тэмы псіхалогіі, бо мае вышэйшую адукацыю па гэтай спецыяльнасці.
Што стала прычынай для крымінальнага пераследу журналісткі - пакуль дакладна невядома.
Згодна з прыгаворам акрамя пазбаўлення волі Алене прысудзілі штраф 46000 рублёў.
16.08.2024 адбыўся апеляцыйны разгляд суда, прысуд уступіў у сілу.
11 верасня 2025 года стала вядома, што 52 вязні беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Алена Цімашчук.
