Як сцвярджаецца ў судовай пастанове, яўка з пакаяннем была напісана Аленай добраахвотна 04.04.2023. Жанчыну абвінавацілі ў тым, што яна 25 кастрычніка 2020 года ў Менску ўдзельнічала ў пратэстнай акцыі і выходзіла на праезную частку. Алену апазналі па фатаграфіях з акцыі пратэсту, знойдзеных у інтэрнэце. Да суда жанчына знаходзілася пад залогам памерам 37000 рублёў. Алена цалкам прызнала віну і раскаялася ў зробленым.
Алена Мілаева мае вышэйшую адукацыю, гадуе непаўналетняе дзіця. Працавала эканамістам у адкрытым акцыянерным таварыстве.
