Ягора абвінавацілі ў тым, што ён пакінуў абразлівы каментар у Telegram пад відэаролікам з выступам Лукашэнкі. Як паведамляецца ў судовай пастанове, Дашэвічу не спадабаўся пункт гледжання, які выказваўся ў відэа. Ён цалкам прызнаў віну і раскаяўся ў зробленым.
З 21 па 24 сакавіка 2023 года мужчыну ўтрымлівалі пад вартай.
Ягор родам з Пінска, з сям'і настаўнікаў. У дзяцінстве ён удзельнічаў у алімпіядах, а пасля паступіў у Пінскі педагагічны каледж. Цяпер Ягор мае вышэйшую адукацыю, працуе індывідуальным прадпрымальнікам. Займаецца пісьмовым і вусным перакладам на замову.
Невядома ці адбываў Ягор пакаранне ў выглядзе абмежавання волі з накіраваннем, але калі адбываў, то павінен быў выйсці на волю летам 2025 года.
