Змітра затрымалі 21 верасня 2022 года супрацоўнікі ГУБАЗіКу. Выкладчыка прымусілі на камеру чытаць уласныя вершы і апраўдвацца - нібыта ён у жніўні 2020 года хадзіў на акцыі, пісаў паведамленні ў Facebook і VKontakte. Таксама ў праўладных каналах з'явіліся скрыншоты з ягоных сацыяльных сетак з крытыкай дзеянняў уладаў.
Дзіцячы паэт і празаік, пераможца конкурсу "Пісьменнікі - дзецям" (2017). Ён з'яўляецца членам Міжнароднага саюза пісьменнікаў "Новы Сучаснік", Беларускага літаратурнага саюза пісьменнікаў "Полацкая галіна". Выкладчык прыватнай школы "Смарт Скул".
Па падліках праваабаронцаў вызвалены летам 2024 года, поўнасцю адбыўшы тэрмін пакарання, прызначаны судом.
