Зміцер быў прызнаны вінаватым у 2025 годзе па артыкуле "садзейнічанне экстрэмісцкай дзейнасці" па гучнай справе маніторынгавага канала "Беларускі Гаюн", які адсочваў дзеянні расейскіх войскаў у Беларусі да і падчас іх узброенай агрэсіі супраць Украіны.
Вядома, што апошнім месцам працы Змітра Карнейчыка была гандлёвая сетка ААТ "Аўтаспэйс", якая займалася продажам аўтазапчастак і расходных матэрыялаў з магазінамі ў розных гарадах Беларусі. Раней ён працаваў індывідуальным прадпрымальнікам у сферы прафесійных фотапаслуг.
Вызвалены 20 сакавіка 2026 года ў рамках памілавання пасля чарговага візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла.
