Сафановіча абвінавацілі ў тым, што 25 кастрычніка 2020 года ён напісаў у тэлеграм-чаце паведамленні з заклікам перакрываць дарогі. Па версіі абвінавачання і суда, у першым паведамленні Сафановіч «заклікаў да актыўнага ўдзелу ў групавых дзеяннях у Лунінецкім раёне, якія груба парушаюць грамадскі парадак» , г.зн. Сафановіч нібыта здзейсніў злачынства па ч.1 арт.342 КК РБ.
Таксама Сафановіча абвінавацілі па ч.1 арт.367 КК РБ, г.зн. у публічным паклёпе на Лукашэнку. Як вынікае з артыкула дзяржвыдання, Сафановіч у тым жа чаце напісаў другое паведамленне 13 жніўня 2020 года, пад фота з заплаканай жанчынай, якая выйшла з Акрэсціна. Подпіс да відэа быў такі : «Прызнанне беларускай дзяўчыны, якая пабывала ў засценках лукашэнкаўскага гестапа. Я правільна разумею, што Лукашэнка стаў другім пасьля Гітлера хто напаў на народ Беларусі?»
18.07.2023 адбыўся разгляд апеляцыйнай скаргі, прысуд уступіў у сілу.
Па падліках праваабаронцаў , выйшаў на волю 23 снежня 2024 г., цалкам адбыўшы тэрмін пакарання, прызначаны судом.
