Зміцер пачынаў у 1990-я ў Барысаве. Пасля 1998 года перайшоў у аддзел дазнання Жодзінскага ГАУС, а з 2004 па 2012 узначальваў яго. Далей працаваў у Следчым камітэце, адтуль пайшоў на пенсію. Пасля выхаду на пенсію працаваў на Смалявіцкім малаказаводзе і быў гарадскім дэпутатам у Жодзіне.
У 2020 годзе ён і яшчэ 4 былыя супрацоўнікі Жодзінскага ГАУС запісалі зварот да калег, якія падчас пратэстаў працавалі ў жодзінскай міліцыі, і да ўсіх работнікаў праваахоўных органаў Беларусі.
"Выконваючы тыя загады, якія аддаюць вашыя начальнікі, вы можаце аказацца саўдзельнікамі злачынстваў. Нельга збіваць людзей, якія проста вяртаюцца з працы ў начную змену. <…> Я ведаю выпадкі, калі людзей затрымлівалі ні за што і праяўлялі залішнюю жорсткасць — не трэба так рабіць», - сказаў Удовін у звароце.
Па паведамленні СМІ , усе пяцёра былі затрыманыя ў пачатку лютага 2024 года.
