Дзяніс Дашкевіч

38-гадовы актывіст з Рагачова. Больш за дзесяць гадоў ён вядзе рэгіянальны рэсурс «Рагачоў Анлайн». Нядаўна стала вядома, што з-за публікацыі на гэтым сайце фота з Анджэем Дудой на фоне сцяга, падобнага да бел-чырвона-белага, на мужчыну завялі адміністрацыйную справу па арт. 19.11 КаАП. Як высветлілася , міліцыя склала пратакол з-за даносу мясцовага ідэолага Наталлі Прус, а сцяг не мае дачынення да Беларусі. Унізе на палотнішчы відаць зялёная паласа, а ў цэнтры знаходзяцца дрэвы - гэта сцяг польска-венгерскага сяброўства.
Па словах Дзяніса, ідэолаг Прус "паламала жыцці многіх" жыхароў Рагачова, "прыплятаючы палітыку туды, дзе яе наогул няма". Па яе даносе затрымалі музыкаў гурта Tor Band — з кастрычніка 2022 года яны за кратамі па крымінальных справах .
Прычына распачынання крымінальнай справы на Дзяніса ў тым, што ён нібыта ў сваёй групе «Рагачоў Анлайн» у Viber абразіў Лукашэнку.