Паводле матэрыялаў справы , Калашук увосень-узімку 2020 года пакінуў тры каментары ў тэлеграм-канале «Кулуары Куку».
17 лістапада ён, "падзяляючы ідэі сацыяльнай нецярпімасці да прадстаўнікоў улады", негатыўна выказаўся пра Аляксандра Лукашэнку.
8 снежня, як палічыў суд, Калашук у каментарах абразіў суддзю суда Фрунзенскага раёна Крэўскую, а праз два дні - пракурора Гомельскай вобласці Віктара Марозава.
15 студзеня 2021 года ў тэлеграм-канале “МКБ. Мая краіна Беларусь» Арцём Калашук пакінуў негатыўны водгук пра намесніка начальніка Генеральнага штаба ВС РБ Паўла Муравейку.
Вядома, што Калашук да затрымання жыў з бабуляй, працаваў у Маскве. У яго таксама ёсць праблемы са здароўем - ён не чуе адным вухам.
Па падліках праваабаронцаў вызвалены зімой 2024 года , поўнасцю адбыўшы тэрмін пакарання, прызначаны судом.
