Да затрымання Анатоль быў індывідуальным прадпрымальнікам і актыўным удзельнікам прадпрымальніцкага руху. Ён вядомы таксама як экалагічны актывіст у перыяд будаўніцтва і запуску Светлагорскага завода беленай цэлюлозы, калі адбываліся шматлікія выкіды шкодных рэчываў у атмасферу. У апошні час працуе ў адным з прадпрыемстваў у галіне аўтасэрвісу.
Быўзатрыманы ў красавіку 2025 года па ч. 2 арт. 367 (паклёп на Лукашэнку) КК РБ. 25 красавіка 2025 года быў этапаваны ў СІЗА-3.
Раней яго затрымлівалі 14 лютага 2023 года. Таксама яго затрымлівалі ў 2020 годзе. Тады ў лістападзе яго затрымалі пасля жалобнай акцыі памяці забітага ў Менску Рамана Бандарэнкі. Анатолю прызначылі штраф у памеры 40 б.у. Яшчэ раней Змітровіч прыцягваўся да адміністрацыйнай адказнасці па арт. 23.34 (парушэнне парадку правядзення масавых мерапрыемстваў). Тады ён атрымаў штраф 25 б. в.
Выйшаў на волю ў снежні 2025 года, поўнасцю адбыўшы тэрмін пакарання.
