Наста нарадзілася ў Гомелі, але на вучобу пераехала ў Мінск, дзе скончыла БДТУ. Увесну 2023 года яна зарэгістравалася як ІП і вяла блог аб прыгажосці і лайфстайле.
У TikTok на яе рахунак былі падпісаныя больш за 21 тысячу чалавек, а агульная колькасць лайкаў перавышала мільён. У сваіх відэа Янчык рабіла агляды кніг і касметыкі, расказвала пра падарожжы, а таксама адкрыта дзялілася асабістым вопытам барацьбы з трывогай і дэпрэсіяй.
У пачатку красавіка 2025 г блогер раптам знікла з сацыяльных сетак. Як стала вядома , яе затрымалі і змясцілі ў следчы ізалятар, дзе яна правяла каля васьмі месяцаў.
