Анастасія Дзмітрыеўна Герыловіч

У верасні 2020 года ў інтэрнэце распаўсюдзілася відэа з Жодзіна, на якім міліцыянт Мікалай Бараноўскі з такой сілай ударае жанчыну па твары, што яна падае на зямлю. Да яго адразу падбеглі абураныя гараджане, сярод якіх была Анастасія — яна сарвала з міліцыянера маску. У траўні 2021 года суд прызнаў яе вінаватай, расцаніўшы гэты ўчынак як «здзяйсненне гвалту альбо пагрозу ўжывання гвалту ў дачыненні да супрацоўніка органаў унутраных справаў».