Блогера затрымалі у чэрвені. На «пакаяным відэа» мужчына прызнаецца, што быў падпісаны на «дэструктыўныя тэлеграм-каналы» і хадзіў на пратэсты. Супрацоўнікі МУС удакладняюць у публікацыі, што затрымалі блогера за тое, што ён «хайповал на ваенным канфлікце». Таксама напісалі, што спецыялісты дадуць ацэнку «публічным выказванням тиктокера». Пазней яму і яго жонцы прызначылі 10 сутак адміністрацыйнага арышту, але што з імі здарылася далей, не было вядома. Пазней аказалася, што Бондар быў у следчым ізалятары № 1.
LexMask меў амаль 58 тысяч падпісчыкаў у TikTok, запісваў відэа на беларускай мове. Яго акаўнт захапілі сілавікі, размясцілі два відэа з байцамі АМАП і невядомымі ў ваеннай форме без апазнавальных знакаў.
