Аляксей Зуевіч – беларускі грамадскі актывіст, сябра партыі "Народная Грамада".
У жніўні 2020 года мужчыну затрымлівалі ў Ельску. На наступны дзень суд Ельскага раёна прызнаў Аляксея Зуевіча вінаватым у "парушэнні парадку арганізацыі і правядзенні масавага мерапрыемства" і прызначыў яму 10 сутак арышту.
Як расказвалі сябры актывіста, нагодай стала тое, што ён раздаваў у цэнтры Ельска ўлёткі ў падтрымку Святланы Ціханоўскай. Міліцыя расцаніла гэта як несанкцыянаванае масавае мерапрыемства.
У маі 2021 года мужчыну зноў затрымалі і правялі ў яго ператрус.
У лістападзе 2026 года яго завочна асудзілі па крымінальнай справе. Згодна з рашэннем суда, яму інкрымінавалі "іншае аказанне дапамогі замежнай дзяржаве і яе прадстаўнікам у правядзенні дзейнасці, накіраванай на прычыненне шкоды нацыянальнай бяспецы Рэспублікі Беларусь". Справу разглядалі ў парадку спецыяльнай вытворчасці.
