Аляксандр працаваў намеснікам дырэктара ў краме "Эліт Трэйд" у Светлагорску з 2008 па 2016 гады. Затым пераехаў у Мінск і ўладкаваўся ў "Атлант-М", дзе з пазіцыі менеджэра па продажах дарос да малодшага кіраўніка праектаў. Пазней ён перайшоў у кампаніі, звязаныя з IT-продажамі і праектным упраўленнем, а з красавіка 2023 года стаў старшым мэнэджэрам па працы з кліентамі ў Noventiq Belarus.
Быў затрыманы ў верасні 2025 года ў межах крымінальнай справы, узбуджанай па артыкулах "садзейнічанне экстрэмісцкай дзейнасці" і "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".
У лютым 2026 года Аляксандра прызналі вінаватым і прыгаварылі да абмежавання волі.
Вызвалены 20 сакавіка 2026 года ў рамках памілавання пасля чарговага візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла.
