Пераслед па палітычных матывах

Яўген, аўтар праекту «Адвеку», быў затрыманы ў верасні 2021 года па крымінальнай справе аб групавых дзеяннях, якія груба парушаюць грамадскі парадак. Прычынай затрымання стала фатаграфія ад 9 жніўня 2020 года, на якой ён падчас паслявыбарчай акцыі пратэсту ў Мінску знаходзіцца на пешаходным пераходзе на дазваляльны сігнал святлафора.

У лістападзе 2021 года ён быў прызнаны вінаватым і прыгавораны да абмежавання волі з накіраваннем.

Да пачатку адбыцця пакарання пакінуў Беларусь.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем у папраўчую ўстанову адкрытага тыпу на пазбаўленне волі ў калоніі.

Максім, старшы энергадаспетчар Беларускай чыгункі, быў затрыманы восенню 2021 года ў межах крымінальнай справы, узбуджанай у дачыненні да супрацоўнікаў заводаў, якія падтрымалі стачку і ўваходзілі ў ініцыятыву «Рабочы рух».
21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне адбыліся масавыя затрыманні рабочых.

Вызвалены ў лістападзе 2021 года пад паручніцтва.

Дарына была прызнана вінаватай у верасні 2021 года па артыкуле "абраза прадстаўніка ўлады" за каментар, пакінуты ў тэлеграм-канале "Карнікі Беларусі" ў дачыненні да супрацоўніка АМАПа, аднак ні яго прозвішча, ні сам каментар на судзе агучаныя не былі.

Зміцер быў прызнаны вінаватым у верасні 2021 года па артыкуле «абраза прадстаўніка ўлады» за каментар, пакінуты ў сацыяльнай сетцы «Аднакласнікі» пад публікацыяй фатаграфіі супрацоўніка Дзяржаўтаінспекцыі Ганцавіцкага РУУС Ігара Вольніча, на якім ён прыціснуў каленам да зямлі затрыманага.

Вадзім быў затрыманы 27 ліпеня 2021 года каля свайго дома ў межах крымінальнай справы, узбуджанай па артыкуле «абраза прадстаўніка ўлады».

Таксама вядома, што Вадзім пісаў кнігу аб пратэстах.

У кастрычніку 2021 года яго прызналі вінаватым па двух крымінальных артыкулах за шэраг каментароў, пакінутых у чаце тэлеграм-канала "Кулуары KYKY" у перыяд з красавіка па чэрвень 2021 года, і прыгаварылі да абмежавання волі з накіраваннем ва ўстанову адкрытага тыпу.

Вадзім пакінуў Беларусь да пачатку адбывання пакарання.

Вольга, былая супрацоўніца Дэпартамента аховы МУС, была асуджаная ў верасні 2021 года за каментар, пакінуты ў сацсетках пад фатаграфіяй супрацоўніка міліцыі з Бабруйска: «Вось з-за такіх казлоў мянтоў і не любяць», чым, па версіі абвінавачання, абразіла яго. Яна была прыгаворана да абмежавання волі без накіравання ў папраўчую ўстанову і выплаты маральнай кампенсацыі. Вядома таксама, што пасля затрымання і допыту Вольгу звольнілі з працы.

Павел быў асуджаны ў верасні 2021 года за каментар, пакінуты ў Telegram-канале "Еўрарадыё" пад паведамленнем аб смерці намесніка начальніка штаба УУС па Магілёўскай вобласці Аляксандра Петрусевіча. Па версіі абвінавачання, гэтым каментаром ён меў намер на публічную абразу прадстаўніка ўлады ў сувязі з выкананнем ім службовых абавязкаў.

У кастрычніку 2024 года адбылося судовае пасяджэнне па пытанні "замены абмежавання волі без накіравання ў папраўчую ўстанову адкрытага тыпу". Вынік паседжання, як і факт прысутнасці на ім Паўла, невядомы.

Кацярына была затрыманая ў верасні 2021 года за размалёўванне больш за 80 цюкоў з сенажом, пасля чаго ў дачыненні да яе распачалі крымінальную справу па артыкуле «злоснае хуліганства». Да суда ёй абралі меру стрымання ў выглядзе ўзяцця пад варту і змясцілі ў ІЧУ.

У студзені 2022 года Кацярыну абвінавацілі ў «грубым парушэнні грамадскага парадку, выяўленым у спробе адцягнуць увагу вадзіцеляў і дэзарганізаваць дарожны рух», і прыгаварылі да абмежавання волі без накіравання ў папраўчую ўстанову.

Вызвалена з-пад варты ў зале суда пасля абвяшчэння прысуду.

Зміцер — дырэктар інтэрнэт-крамы музычных інструментаў і музыка ансамбля «Харошкі», нядаўна звольнены з калектыва з-за сваёй грамадзянскай пазіцыі. Ён адмовіўся ўдзельнічаць у канцэртах, якія Міністэрства культуры ладзіла на сцэне Купалаўскага тэатра, а таксама ў іншых афіцыйных мерапрыемствах.

У жніўні 2021 года Зміцер быў затрыманы паводле абвінавачання ў арганізацыі «падпольнай друкарні», дзе вырабляліся незарэгістраваныя газеты і ўлёткі. Пасля ператрусу ў яго кватэры зніклі ўсе грошы, у тым ліку атрыманыя ад нядаўняга продажу аўтамабіля. З моманту затрымання яго неаднаразова прыцягвалі да адміністрацыйнай адказнасці, прызначаючы адміністрацыйныя арышты і ўтрымліваючы ў ІЧУ на Акрэсціна. Пасля Зміцер пакінуў Беларусь.

Наталля была затрыманая ўвечары 29 красавіка 2021 года пасля паведамлення "неабыякавай грамадзянкі" ў міліцыю аб тым, што невядомыя людзі малююць бел-чырвона-белыя сцягі на збудаваннях на вуліцы Багдановіча ў Менску. Пасля адміністрацыйнага арышту ў дачыненні да яе распачалі крымінальную справу і адпусцілі пад заклад да суда.

У верасні 2021 года Наталля была асуджаная па артыкуле "апаганенне збудаванняў і псаванне маёмасці".

Аляксандр быў затрыманы ўвечары 29 красавіка 2021 года пасля паведамлення "неабыякавай грамадзянкі" ў міліцыю аб тым, што невядомыя людзі малююць бел-чырвона-белыя сцягі на збудаваннях на вуліцы Багдановіча ў Менску. Пасля адміністрацыйнага арышту ў дачыненні да яго распачалі крымінальную справу і адпусцілі пад заклад да суда.

У верасні 2021 года Аляксандр быў асуджаны па артыкуле "апаганенне збудаванняў і псаванне маёмасці".

Андрэй быў асуджаны за святкаванне Масленіцы на дачным участку сябра, дзе было ўстаноўлена і спалена чучала, якое, на думку абвінавачання, было падобнае да Лукашэнкі. Суд расцаніў гэта як публічную абразу і прыніжэньне гонару і годнасьці Лукашэнкі.

Галіна была асуджаная па абвінавачанні ў «актыўным удзеле ў групавых дзеяннях, якія груба парушаюць грамадскі парадак» за ўдзел у акцыях пратэсту, якія праходзілі ў 2020 годзе ў Менску супраць вынікаў выбараў і гвалту ў краіне з боку сілавікоў, і прысуджаная да абмежавання волі без накіравання.

Наталля была асуджаная па абвінавачанні ў «актыўным удзеле ў групавых дзеяннях, якія груба парушаюць грамадскі парадак» за ўдзел у акцыях пратэсту, якія праходзілі ў 2020 годзе ў Менску супраць вынікаў выбараў і гвалту ў краіне з боку сілавікоў, і прысуджаная да абмежавання волі без накіравання.

Максім, сцэнограф, які супрацоўнічаў з культурным цэнтрам "Корпус", быў затрыманы 2 верасня 2021 года пасля ператрусу ў "Корпусе". Пасля адміністрацыйнага арышту на 10 сутак ён не выйшаў на волю, а быў затрыманы па крымінальнай справе аб групавых дзеяннях, якія груба парушаюць грамадскі парадак.

У снежні 2021 года яго асудзілі за ўдзел у жнівеньскіх пратэстах 2020 года і прыгаварылі да абмежавання волі з накіраваннем ва ўстанову адкрытага тыпу.

Максім пакінуў Беларусь да пачатку адбывання пакарання.

У лістападзе 2024 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.